Vawiin chawhnu dar 3 khan Circuit Hall Conference Hall, Lungleiah High Power Committee Meeting Pu Lal Thanhawla, Chief Minister leh Chairman kaihhruaina hnuaiah neih a ni. Chairman chuan member meeting kal zawng zawngte hnenah lawmthu a sawi.
Thuhma sawiin Chief Minister chuan sorkar hnathawkte discipline, work culture leh work ethic tha nei turin a chah a ni. Kut tling lo a sum lak a awm loh chuan sum hi a hman daihzai theih hle a ni tih HPC hmalakna atangin a lang a ni a ti. Chairman chuan Pu Joseph Lalhimpuia, Vice Chairman HPC hnenah Chairmanship hlanchhawngin Pu Joseph Lalhimpuia hian meeting hi a kaihruai chhunzawm a ni.

Vice Chairman chuan thu sawiin Chief Minister kaihhruaina hnuaiah HPC in mumal nei takin hmasawnna a kalpui avangin lawmthu a sawi. HPC office hmun tur leh sakna pawh Chief Minister in a ngaihtuah sak avangin lawmthu a sawi bawk. HPC hmalakna report pe in Lunglei Town Bus Service neih a ni te, Lungleng Town District Road zauh anih thu te, Zobawka State Sports Academy buatsaih anih tur te leh thil dang a hmalakna te report a pe a ni.

Pi M. Zohmingthangi, DC leh Secretary HPC pawhin thil danga hmalakna report a pe a. Chungte chu Roof-top Rain Water Harvesting te, Inland Water Transport, Tlabung te, Mega Food Park Lunglei te, Lungleia Convention Centre sak tum anih dan te Inter State Bus Terminal Lungleia sak anih tum dan te, Lunglei Civil Hospital tana transformer dah tum anih dante report a pe a ni.

Thu ngaihtuah pawimawh zualte chu hengte hi an ni. 1) Approval of Sectoral Allocation of District Outlay 2010 - 2011, 2) HPC office a AE/JE dah tur te, 3) Buarpui-Thenhlum-Bunghmun Road 71 Kms pavement leh drainage siam te, 4) Lunglei khawchhung tuihawk luankawr siam te, 5) Town Area Road widening te ngaihtuah a ni.