Vawiin khan Aizawl YMCA General Conference vawi 23-na leh YMCA World Peace Day 2010 chu I&PR Auditorium-ah hman a ni a, Chief Minister Pu Lal Thanhawla chu khuallian niin a hmanpui.
Chief Minister chuan Mizo Kristian, kohhran mi ringtu intite hian YMCA innghahna leh thil tum te hi kan nunpui tak zetin kan vela ringlo mite hian kan nunah Lal Isua hmel an hmu em ? tih zawhna hi mahni theuhah inzawh nawn fo a pawimawh thu a sawi a, khawvel hmun hrang hranga inremlohna leh innghirnghona tichhuaktute chu miduham, pamham leh chapote an ni a ti a, Indopui II-na a USA in Hiroshima Atom Bomb hmanga a beih na ni denchhena YMCA in World Peace Day a hmang hi a fuh em em a ni a ti bawk.
Chief Minister chuan Mizoramin rambuai vangin harsatna namenlo a hmachhawn tawh avangin remna hlutzia hrechiang bertute kan ni a ti a, remna hi duhthu ngawta neih theih a ni lova, kohhran, khawtlang leh sawrkar hruaituten nasa taka an beihna azarah remna kan hmu thei chauh a ni a ti a, remna kan neih hian muanna a awm nghal ngawt lova, muanna nei tur chuan mipuite thinlungah duh tak takna thinlung a awm a ngai a, harsa tak leh tawrhna nasa tak kaltlanga remna leh muanna kan neih tichhe zawnga chet hi kan phal tur a ni lo tih thu sawiin Mizo mipuiten kan mamawh ber chu remna leh muanna vawn nun zel hi a ni a ti bawk.
Chief Minister chuan khawvel sakhaw lian ber ber pathum Hindu, Muslim leh Buddhist-ten kil tin atangin min hual vel chung pawhin Pathianin min hum tlatna chhan hi ngaihtuah chiang a Pathian laka kan mawhphurhna chanvo kan tih hlawhtlin ngei a tul a, "Pathian kan lamah a tang em ?" tih aiin "Pathian lamah kan tang em ?" tih hi chhut chian a pawimawh hle a ni a ti bawk. Mizote hian kan mihring puite hnena chanchintha hril hna hi kan thawk tha em em a, hetih lai hian kan ramchhunga thilsiam dangte hnena chanchintha kan hril danah hian Pathian a lungawi em tih chhut ngun a ngaih thu sawiin ringlo mi kan tihte hi Pathian thilsiam nungchate humhalh leh zah thiam kawngah kan phak lo hle a ni a ti bawk.
Mizoram dinchhuahna tur chuan taimakna leh rinawmna a pawimawh ber thu sawiin Chief Minister chuan ram leilung fate kan nihna anga kan tih tur dik tak hria a taima turin kalkhawmte a chah bawk a ni.
Chief Minister chuan Mizoramin rambuai vangin harsatna namenlo a hmachhawn tawh avangin remna hlutzia hrechiang bertute kan ni a ti a, remna hi duhthu ngawta neih theih a ni lova, kohhran, khawtlang leh sawrkar hruaituten nasa taka an beihna azarah remna kan hmu thei chauh a ni a ti a, remna kan neih hian muanna a awm nghal ngawt lova, muanna nei tur chuan mipuite thinlungah duh tak takna thinlung a awm a ngai a, harsa tak leh tawrhna nasa tak kaltlanga remna leh muanna kan neih tichhe zawnga chet hi kan phal tur a ni lo tih thu sawiin Mizo mipuiten kan mamawh ber chu remna leh muanna vawn nun zel hi a ni a ti bawk.
Chief Minister chuan khawvel sakhaw lian ber ber pathum Hindu, Muslim leh Buddhist-ten kil tin atangin min hual vel chung pawhin Pathianin min hum tlatna chhan hi ngaihtuah chiang a Pathian laka kan mawhphurhna chanvo kan tih hlawhtlin ngei a tul a, "Pathian kan lamah a tang em ?" tih aiin "Pathian lamah kan tang em ?" tih hi chhut chian a pawimawh hle a ni a ti bawk. Mizote hian kan mihring puite hnena chanchintha hril hna hi kan thawk tha em em a, hetih lai hian kan ramchhunga thilsiam dangte hnena chanchintha kan hril danah hian Pathian a lungawi em tih chhut ngun a ngaih thu sawiin ringlo mi kan tihte hi Pathian thilsiam nungchate humhalh leh zah thiam kawngah kan phak lo hle a ni a ti bawk.
Mizoram dinchhuahna tur chuan taimakna leh rinawmna a pawimawh ber thu sawiin Chief Minister chuan ram leilung fate kan nihna anga kan tih tur dik tak hria a taima turin kalkhawmte a chah bawk a ni.
Attachment
- Loading attachment...
