Cheng nuai 7.5 senga Aizawl Tennis Club hmuna tennis court-ah, tennis khel thinte beisei leh ngahhlelh em em Synthetic Cushion Court chu peihfel a ni ta a. Court thar hawnna inkhawm hi vawiin chhun khan Sports Minister Pu Zodintluanga hova neih a ni.
Court thar chungchanga a thusawina ah Sports Minister chuan hetiang thil thar Mizoram-in a nei ve thei ta chu Mizoram chanchinah thil chhinchhiah tlak a tling a ni, a ti a. Khawvel huap ang pawha an hman thin hetiang court changkang Aizawl Tennis Club ten an nei ve theih tak avang hian khawvel huap pawha lang tham tur tennis khel thiam chher chhuah chu an tum ve tur a ni ang, a ti a. Sport policy a sawinaah naupang te atanga infiamna lam kawng an zawh tur bik thlanpui thiam leh chu lama theihtawpa chher chho chu sorkar thil tum a ni dawn a ni, a ti.
He huna tel ve Parliamentary Secretary Pu S. Laldingliana pawhin thu sawiin amah ngei pawh tennis khel thin a nih avanga hetiang thil changkang lo awm ta chu a lawmthu a sawi a. Tennis Club te chungah duhsakna a hlan bawk.
Synthetic Cushion Court neih theihna tura ruahmanna hi sorkar hmasaa Sports Minister Pu Z.H.Ropuia hmalaknaa bul tan kha a ni a. Hetianga puitlin a lo nih takah hian a lawmpuina thuchah pawh Pu Ropuia hian rawn thawnin inkhawmah hian chhiarchhuah a ni nghe nghe.
Court thar lawm hian tennis lo khel ve tawh thin Sports Minster te hovin exhibition match khelh a ni.
He huna tel ve Parliamentary Secretary Pu S. Laldingliana pawhin thu sawiin amah ngei pawh tennis khel thin a nih avanga hetiang thil changkang lo awm ta chu a lawmthu a sawi a. Tennis Club te chungah duhsakna a hlan bawk.
Synthetic Cushion Court neih theihna tura ruahmanna hi sorkar hmasaa Sports Minister Pu Z.H.Ropuia hmalaknaa bul tan kha a ni a. Hetianga puitlin a lo nih takah hian a lawmpuina thuchah pawh Pu Ropuia hian rawn thawnin inkhawmah hian chhiarchhuah a ni nghe nghe.
Court thar lawm hian tennis lo khel ve tawh thin Sports Minster te hovin exhibition match khelh a ni.
Aizawl Tennis Club hi kum 1972-ah din niin tunah hian member 43 an awm mek a. Mizoram Tennis Association ruahman angin Aizawl Tennis Club hian kum tin tournament 2 - Mizoram Open leh Lalzuia Open a buatsaih thin a ni.
Vawiina hawn tak Synthetic Cushion Court hi nikum khan Mizoram State Sports Council kaltlangin Mizoram sorkar chuan a rawn sanction a. He court chhuatphah hming hi “Rebound Ace” a ni a, international standard niin Australian Open an khelhna ang a ni. A court chhung (bawkbawn rawng/purple) hi thuah 8-a chhah a ni a, a playing area (hring/green) hi thuah 4-a chhah a ni thung. Court siam nan heng bungruate hi hman a ni:- rubber crimbs, liquid rubber, silica sand, sythetic concentrate filter, synthetic water-based paint, net posts leh net.
Court siamna bungrua hi Australian Company siam a ni a, Sony Creations Pvt. Ltd., New Delhi atanga lei a ni. Court siam hna hi ni 19.2.2009-ah tanin ni 25.2.2009-ah zawh fel a ni.
Vawiina hawn tak Synthetic Cushion Court hi nikum khan Mizoram State Sports Council kaltlangin Mizoram sorkar chuan a rawn sanction a. He court chhuatphah hming hi “Rebound Ace” a ni a, international standard niin Australian Open an khelhna ang a ni. A court chhung (bawkbawn rawng/purple) hi thuah 8-a chhah a ni a, a playing area (hring/green) hi thuah 4-a chhah a ni thung. Court siam nan heng bungruate hi hman a ni:- rubber crimbs, liquid rubber, silica sand, sythetic concentrate filter, synthetic water-based paint, net posts leh net.
Court siamna bungrua hi Australian Company siam a ni a, Sony Creations Pvt. Ltd., New Delhi atanga lei a ni. Court siam hna hi ni 19.2.2009-ah tanin ni 25.2.2009-ah zawh fel a ni.
Attachment
- Loading attachment...
