912/2022-2023 

Aizawl the 15th June, 2022: Chief Minister Pu Zoramthanga chuan vawiin chawhma khan a bial Aizawl East-I chhunga Zembawk GZHS tualzawl a YMA Day 87-na program buatsaih chu a hmanpui.

Thu sawiin Chief Minister chuan YMA chu tanpui ngaite tanpuitu a nihna chu thil ropui tak, ram dang mite lakah pawh chhuanawm leh, inthununna nei tha hnam kan nihna tilang chiangtu pakhat a nih thu a sawi a. YMA hmalakna ropui tak chhunzawm zel thei turin hruaitute leh member-te duhsakna a hlan a ni. Chief Minister chuan kumin YMA Day kan lawm hian, khawtlang nun tichhetu, mi a nih tur ang ni thei lova siamtu zu leh ruihhlo laka fihlim turin intiam thar leh turin kalkhawm te sawmin, a bik takin thalaite chu heng zu leh ruihhlo thlemna laka fihlim zel turin a fuih a ni. Chief Minister chuan Zemabawk a hmasawnna hna thawh tur hmachhawp thenkhat sawiin, khawtlang hmasawnna atan theihtawp chhuah a nih zel tur thu a sawi.

He YMA Day lawmna inkhawmah hian ZYMA member 15, nikum YMA Day atanga vawiin thlenga thi te sunna hun hman a ni.

Zan dar 8 ah Thuampui YMA Hall-ah YMA Day puala hun buatsaih chu Chief Minister hian a hmanpui leh dawn bawk.