30/2025-2026

Aizawl the 3rd April 2025: Tukin khan Chief Minister Pu Lalduhoma chuan Zuangtui venga PWD hmun a tlawh a, chumi zawhah Zemabawka RIPANS damdawiin panna kawng a en bawk. Pu Vanlalhlana, PWD Minister leh Pu Lalthansanga, Minister, bialtu MLA ten an tawiawm.

Zuangtui khawtlang hian an venga sawrkar Middle School leh Primary School, lei tlahniam huam chhunga hun rei tak awm tawh, thawm that zui zel atana him tawh lo va ngaih sawnna atan PWD ram thenkhat chu ruahman turin sawrkar an ngen a. An dil hmun hma hi Chief Minister hian a en a ni. 

He mi zawh hian Regional Institute of Paramedicals & Nursing Sciences College panna kawng, sawrkarin siam that tura thu a lo dah tawh chu a en bawk.

Zuangtui PWD ram School hmun atana Education Department hnena pek thu hi dan anga dilna te thehluh a nih hnuah la ngaihtuah zui tur a ni a. RIPANS panna kawng hi a rang lama siam tur a ni ang.