1266/2023-2024

Dated Aizawl, the 25th July, 2023: Vawiin khan Pu Zoramthanga, Chief Minister kaihhruaiin CMO Conference Hall ah Prime Minister’s Development Initiative for North East Region (PM-DevINE) 2023-24 atana Mizorama hmalakna tur ruahmanna awm (proposal) te sawihona neih a ni.

He hunah hian Pu Lalmalsawma Pachuau, Secretary, Planning & Programme Implementation Department in sawi hawnna a neih hnuah proposal hrang hrang chhawpchhuah pariat te chu a thehluttu department te powerpoint presentation hmangin sawifiahna an nei a ni.

Vawiina PM-DevINE 2023-24 proposal ngaihtuahhonaah hian Pu H. Rammawi, Vice Chairman, Mizoram State Planning Board, Dr. Renu Sharma, IAS, Chief Secretary bakah Department hrang hranga official pawimawhte an tel a ni.