1268/2023-2024

Champhai, the 26th July, 2023: MLA General Election 2023 inpuahchahna kalzelah Election Office, Champhai District buatsaihin EVM leh VVPAT chungchang inzirtirna leh inhrilhfiahna bakah, a duh apiangte tana EVM hmanga vote thlak zirna/vote thlak chhinna hmun EVM Demonstration Centre (EDC) chu DC Office Keifangtlang, DRDO Office Keifangtlang, SO Office New Champhai leh BDO Khawbung Office-ahte buatsaih a ni.

Kum 2023 inthlanpui lo awm tur atana inbuatsaihna kal zelah vote nei thar te'n vote thlak dan an lo hmelhriat lawk theih nan leh a nei tawhte pawhin an inzir thar leh theihna atan EVM Demonstration Centre (EDC) hi buatsaih a ni a. EVM Demonstration Centre hi duh apiangte tan sawrkar pisa kai hun chhungin pan theih reng a ni.

EVM Demonstration Centre hi tunkar tir July ni 24, 2023 atang khan ruahman tan niin, Election Commission of India (ECI) in MLA General Election 2023 a puan hma chu chhawpchhuah a ni dawn a. District Election Office chuan EVM leh VVPAT hman dan leh vote thlak dante hrechiang turin mipuite EVM Demonstration Centre tlawh theuh turin a sawm a ni.