Khawvel chhandamtu Lal Isua Krista pian hun Krismas kan lawm hian Hmangaihna te, Remna leh Muanna te hi kan thinlung theuhah lo chungnung ber se a duhawm hle a ni.

Thilpek te inpe tawnin chibai kan inbuk tawn te hi a lawmawm a. Chutih rualin Kristmas awmzia tak erawh kan theihnghilh hauh tur a ni lovang.

Chanhai leh riangvaite tan engnge ka tih ve theih tihte ngaihtuah chung in, hmangaihna leh duhsakna thilpekte pe ila.A pawimawh ber chu kan thinlung Chhandamtu hi lo piang nawn leh theuh sela, kan khawvel buai tak karah hian, hnam tin chitinte inngeih dial dial leh, in hmangaih tawna kan chen ho hi a pawimawh a ni. Isu, vawiinah hian kan thinlung bawng in-ah, lo piang thar leh la nang kan chatuan Lal turin tih hi kum tharah pawh kan nitin hla lo ni se.

Kan zavaiin Lalpa’n Malsawmin min hualhim se, Kristmas hlim taka hmang turin ka duhsak che u a, kum dang zawng aia thlarau leh tisa lama Pathian in a vur kum che u lo ni rawh se.