Vawiin zing dar 10:00 khan Champhai D.C bOffice Chamber-ah Chairman Champhai D.C Pu Lalthangpuia Sailo, IAS hovin tunthla ni 31 zana Fire Awareness Campaign leh Musical Concert neih dan tur rel a ni.

Meeting kaihruaitu Pu Lalthangpuia Sailo chuan kalkhawmte lawmna thu sawi pahin nikum lama lo hman tawh dan te sawi chhuakin Fire & Emergency Department, Mizoram in hemi atana Fund Rs. 50000/- an rawn pek chu anih tur ang taka hman a duh thu a sawi .

Vawiin meeting ah hian he Musical concert and Fire Awareness Campaign neih tur atana Sub Committee din a ni a. He committee hian a hmun tur leh hman dan tur te, inkhawm tibuai lo zawng a tih dan turte an ngaihtuah ang. Hemi zanah hian Kangmei laka inven pawimawhna uar taka tihlan tur a ni bawk ang.