Kumhlui 2015-ah Pathian hruaina duhawm tak dawngin, Kumthar 2016 kan lo chuangkai leh ta a, he Kumthar lawmawm takah hian chibai ka buk che u in, duhsakna ka hlan a che u.

Kumthar kan chuankai mek hian enge min rawn thlen dawn kan hre lo a. mahse hun siamtu leh neitu, hun chunga thuneitu chu kan Pathian nung, Pathiante Pathian, Lalte Lal anih a vangin, a hnenah innghat pumpuhlum ila. thlamuang takin Kumthar hi kan hmang thei ang.

Kumhluia kan tlin lohna zawng zawng leh kan fel lohna te Pathian hnenah ngaihdam dilin, sim tum ila. Kan nun hi siamthar zel thei Pathian hnenah hlan ila, keinin kan kawl reng ringawt ai hi chuan a siamtharin, tangkai zawkin a hmang thei ang.

Enoka chu nitin Pathian nen an lengdun thin a, tih ang khan nitin Pathian pawlin, lendunpui tum ila, Zoram thar, Zoram nuam, Pathian chawimawi ram kan siam thei ngei ang.

Pathiante Pathian hnenah chuan lawmthu hril rawh u, A ngilneihna chu kumkhuain a awm dawn si a.

Ringtute chu Pathian in min hunna theuh hi a rawngbawl nan a ni a. Chuvangin Kumtharah hian kan hna theuh hi rilru leh tihtak zetin rinawmna. dikna, takna, taihmakna leh Pathian tihna nung nen thawk ila, chutichuan, kan hnam nun leh kan kohhran nun hian Pathian chawimawi i tum theuh ang u.

Kumthar chibai ka buk nawn leh che u a, Pathian in tisa leh thlarau Iamah mal tam taka a sawm kum che u ni turin duhsakna ka hlan a che u.