Vawiin chawhnu khan Chief Minister Pu Lal Thanhawla chuan a chenna Bangla-ah  Mizoram rawn tlawhtu Eastern Command, Indian Air Force hotulu,  Air Officer Commanding –in- Chief,   Air Marshall  Anil Khosla a kawm.

Chief Minister Pu Lal Thanhawla chuan hmarchhak biala Air Force hotupaber, Air Marshall  Anil Khosla chu Mizoram a rawn tlawhchhan te lo zawt in thil pawimawh tak tak a sawipui a. Mizoram chu  India ramri hrula awm a nih avanga a pawimawhna te, ram venhimna kawnga a awmna hmun pawimawhna te bakah India ram thenawm te laka invenna tura hmalakna hmanhmawhthlak nia a hriat te a hrilh a. Ram hruaitulu te bakah Force lam hotute pawn Mizoram chu an rawn tlawh deuh fo a that thu a sawi a. Chief Minister leh Air Marshall te chuan an inkawmna ah hian airport siam belh tura hmalak mek chungchang leh Radar chungchang te pawh an sawi tel a ni.