1498/2022-2023
Aizawl, 8.8.2022: Vawiin khan Chite Lui Coordination Committee chu an Chairman Chief Minister Pu Zoramthanga hovin Chite Lui tana hmalak mekna chungchang an sawiho va.

Meeting ah hian Save Chite Lui Committee leh Mizoram PWD tangruala an siam Reieka Plastic Road chu hun remchang hmasa berah CM hova hawn ni se tih a ni a.

Bawngkawn leh Durtlang inkar kham pangper, Bawngkawn Kohhran Biak In kawmchhak chhova ramngaw leh thinghmun chu a kum tela a chereu thu leh helai hmun hi Chite Lui hnar a nih si avangin helai hmun humhalh dan tur chungchang sawiho a ni a, rawtna bulfuk zawk nena la sawiho leh tura dah a ni. Aizawl by-pass road laih tur leh leiverhin Chite Lui a nghawng theih dan turte sawiho a ni bawk.