1497/2022-2023
Mamit 8th Aug, 2022 : Vawiin khan DC Conference Hall, Mamit-ah Village Council Bye Election lo awm tur atana 55-Phulpui West leh 58- Rajiv Nagar-I Final Electoral Roll, 2022 chu Pu Lalfakzuala, Dy. District Election Officer, Mamit District, Mamit chuan tlangzarhna a nei.

Pu Lalfakzuala chuan VC Bye Election neihna tur atana final rolls tarchhuah a ni ta chu lawmawm a tih thu sawiin, heng khaw pahniha VC Election pawh neih thuai a beisei thu a sawi bawk.

Vawiina Final Roll tlangzarh tak atanga a lan danin 55-Phulpui West-ah vote nei mipa 248 leh hmeichhia 237 an vaiin vote nei 485 an awm mek a. 58-Rajiv Nagar-I-ah hian Vote nei mipa 736 leh hmeichhia 705 an vaiin 1441 an awm bawk a ni. Draft Roll tarchhuah atanga Vote nei punna hi 0.68 % a ni.

VC Bye Election neih a tul nachhan hi an VCP tang lai Pu Lalthansanga, Phulpui West leh Sashi Bushan Chakma, Rajiv Nagar -I te an boral vang a ni.

Vawiina Draft Roll tlangzarh tak hi Political Party hrang hrang aiawh BJP, INC, MNF leh ZPM hnenah a copy hlan nghal niin he hunah hian Election Officer, ERO/AERO, Political Party hrang hrang aiawh, Tlawmngai pawl aiawh bakah thutharthehdarhtute an tel a ni.