312/2023-2024

Aizawl, 03.05.2023: Chief Minister Pu Zoramthanga chu vawiina Aizawl lo thleng Pu Lok Ranjan, Secretary, Ministry of DoNER chuan a chenna CM bungalow ah hmu in an inkawm.

Chief Minister leh DoNER Secretary chuan Mizorama investment kawnga hmasawnna tur chungchang an sawi dun a. Sawrkar laipuiin India hmarchhak a investor-te hnuhluh a, potential te kawhhmuh chu a ngaihpawimawh thu a sawi a. Mizoram ah pawh Mau a innghat industry tihlen leh tourism leh hospitality chu pawimawh a tihpui thu Chief Minister hi a hrilh a. Heng bakah hian education leh health sector chu investor te'n an ngaihven hle thu a sawi bawk.

Chief Minister chuan Mizoramah sumdawnna kawnga bultan theihna tur kawng tam takah a awm thu leh, state hmasawnna atan investor tha tak an awm chu a pawimawh thu a sawi a. Mizoram chu state dangte nen khaikhinin mihring cheng an la tlem in ram ruak hman tangkai theih a la tam in economy hmasawnna tur theihna/potential that zia a sawi a. Naktuka investor te nena workshop Planning Department in a buatsaih tur pawh chuan rah tha a chhuah ngei a beisei thu a sawi.

DoNER Secretary Pu Lok Ranjan leh Chief Minister an inkawmnaah hian Vice Chairman State Planning Board Pu H. Rammawi, Planning & Programme Implementation Department Secretary Pu Lalmalsawma Pachuau leh Principal Adviser-cum-Addl. Secretary, Planning & Programme Implementation Department Dr. Lalrinchhana te an tel bawk a ni.