Zan khat riaka Mizoram rawn tlawh mek, Guwahati High Court Chief Justice A.M. Sapre leh Chief Minister Pu Lal Thanhawla chu nizan khan Chief Minister chenna bungalow-ah an inkawm a, Pu Lal Thanhawla hian Chief Justice pual hian cultural programme neihpuiin zanriah a buatsaih sak nghal a ni.

Luangmuala Gauhati High Court Mizoram Bench building New Secretariat Complex a sawn chhoh chungchang bakah District Court leh Subordinate judiciary chungchang leh Family Court hranpa din chungchangte an sawidun a ni.

Chief Minister hi Pu Lalsawta, Law Minister leh Mizoram Advocate General Biswajit Deb ten an tawiawm a, Chief Justice A.M.Sapre hi Justice Ujal Bhuyan, Judge, GHC Mizoram Bench, M.K.Bhattacharjee, Registrar General, GHC, M.K.Kalita, Registrar cum Principal Secretary to Chief Justice leh Rafigue Tapadar, OSD cum Jt.Registrar, GHC ten an tawiawm bawk a ni.