Chief Minister Pu Lal Thanhawla chuan vawiin khan lehlangin Tripura Group YMA Silver Jubilee leh Conference Jampui Hill,Tripura Behliangchhip-ah a hmanpui.
Chief Minister chuan khawi hmunah pawh awm ila India khua leh tui rinawm tak kan nih a paiwmawh a ni a ti a. Zoram pawna mi tu ten emaw pawi an khawih hian Mizoram chhunga chengte pawi an khawih a ni tih an hriat a tul a, hetianga pawikhawihna a awm fo anih chuan chhak lam atang hian ka Mizo puite thlavang hauh turin theihtawp kan chhuah zel ang tiin a sawi nawn leh a ni.
Pu Lalrinmawia Ralte, Minister of State for E&F in Conference hriatrengna souvenior a tlangzarh bawk a ni.
Central YMA President pawhin khawi hmunah pawh awm ilakanMizopuite thlavang chukanhauh tlat reng dawn a ni tih a sawi bawk.
Jampui Hill a Behliangchhip khuaah Tripura Group YMA te chuan Chief Minister Pu Lal Thanhawla chu Rengram Zofa ten chibai kan lo buk che a ni tiin, khuallian ni tura an sawmna a tihhlawhtlinnaah lawmthu an sawi a. Tun Mizoram inthlanpuia hneh taka chakna a chang chu zoram leh zofate tana a inpekna vang a ni an ti a.A hmathlir ropui tak chu Zoram leh Zofate zawng zawng te tana hmasawnna chak tak leh India ram zau taka mite hriat tham khawpa a than chhoh ngei an beisei thu an tarlang a ni.
Tripura Group YMA te hian kum 1992 ah Hmawngchuan ah leh 1995-ah Hmunpui khuaah te leh 2009 a Reng Zo khawmpui Tlangsanga a hmanpui tuma thil tam tak alo tihsak tawhte an hre reng a ni an ti a, ‘Zofate Muantu’ tia nihna anlo hlan tawh thute an tarlang bawk a ni. Chief Minister Pu Lal Thanhawla chu zofate dinhmun hrethiamtu leh an thlavang hauhsak tlattu a nihnaah lawmthu an sawi tak meuh a ni tih an tarlang bawk a ni.
Tripura Group YMA te hian Zofate Chief Minister Pu Lal Thanhawla chu Zofate tana ramri kham ve ngailo, dam reng rawh se tiin leh Pi Riliani chu Zofate thianghlimna kawnga nasa taka hmalatu, damreng rawh se tiin an aurual bawk a ni.
Chief Minister hi a nupui Pi Lal Riliani, Pu Lalrinmawia Ralte, Minister of State for E &F leh Central YMA President ten an tawiawm a ni.
