927/2022-2023

Aizawl 16.6.2022: Vawiin chawhnu khan Chief Minister Pu Zoramthanga hovin CM Conference Hall-ah ZMC chungchang leh department hnuaia hmalakna tur ngaihtuah ngaite sawiin an thukhawm. Health & Family Welfare Minister Dr. R. Lalthangliana leh Health & Family Welfare Board Vice Chairman Dr ZR Thiamsanga te an tel bawk.

Vawiin meeting-ah hian centrally funded medical institute hrang hrang an zirchianna chhawpchhuakin, ZMC chu JIPMER model emaw Regional Institute Model anga kalpui tha dawn nia an hriat thu sawi a ni a. JIPMER model ah hian host state tan seat 30%, a bak 70% central government pool chu seat insem dan a ni a, Regional Institute Model (NEIGHRIMS, RIMS) ah hian college awmna host state in 30% seat changing central pool 15%, North-eastern region tan 55% a ni thung. ZMC-a zirtirna a that thu leh, zirlaite pawh an that thu sawiin, 100% central funding hmuh a, facility tha zawk pek a nih theih chuan India rama medical college tha pawlah la inhlangkai thei ngei tura an beisei thu department hotulu te chuan an sawi a ni.

Heng bakah hian Health & Family Welfare hnuaia department hrang hranga thawktu mamawh leh post siam belh ngaite thlen a ni.

Vawii meeting-ah hian Health Secretary, Principal Director leh department hrang hrang hotute bakah H&FW Board, IMA leh MGDA aiawh te an tel a ni.

Attachment

  • Loading attachment...