Nizan khan Chief Minister Pu Lal Thanhawla chuan a chenna CM Bungalow-ah India ram palai, Ambassador of India to Afghanistan Pu Vinay Kumar, IFS nen an inkawm.

Indian Ambassador Pu Vinay Kumar chuan Mizoram inrelbawl dan leh thenawm ramte nena inlaichinna zir tura lo kal a nih thu sawiin, Chief Minister nen hian Act East Policy hlawhtlinna atan pawimawh tak – Kaladan Multi Modal Project hmalakna leh a dinhmun te an sawi dun a. Chief Minister chuan IFS officer-te state hrang hrang zirchiang tura tirh an ni chu lawmawm tiin, a bik takin administrator ten India hmarchhak an hrait chian pawimawh a tih thu a sawi a ni.

Mizo thalaite zirna kawnga hmasawnna atan foreign university te nen inkungkaih a student exchange program buatsaih tha an tih thu te an sawi bawk.