Mizoram leh Assam ramri chungchangah vawiin khan Joint NGO in Chief Minister Pu Lal Thanhawla chu a officeah hmuin, All NGOs Joint Committee of Mizoramin Boundary chungchanga Memorandum an siam chu Chief Minister hnenah hian an thehlut a ni.

Chief Minister chuan boundary chungchang enfiah tura Mizoram sorkarin boundary commission alo siam tawh thute Jt. NGO hruaitute hi hrilhin, resolution an thehluh chu lawmawm a tih thu a sawi a. Boundary chungchang hi ngunthluk taka sawi hoin, Chief Minister chuan zau zawk leh kawngro su thei zawk tura la inrawnkhawm leh nise a ti a ni.

Jt. NGO atang hian an Chairman Pu Lalthlana Sailo, MUP atangin an President leh General Secretary, Member CYMA, leh MSU General Hqrs atangin Asst.GS te an tel a ni.