Vawiin chawhma dar 10:30 khan Agriculture Committee Room-ah NLUP Phase II kalpui dan tur Line Department 9 ten Pu P.L. Thanga, Vice Chairman, NLUP Implementing Board hovin an nei.

Lines Department 9 : AH & Vety, Agriculture, Environment & Forest, Fisheries, Horticulture, Industries, Sericulture, Soil & Water Conservation leh UD & PA te chuan Phase I a experience an lo neih tawh angin, beneficiaries ten rang zawk leh tha zawka hma an lak theih dan tur an sawi ho a ni.

WRC leh Fish Ponds siam chungchangah beneficiaries tanpuina sum pek dan, instalment siam that rel a ni a, 1st instalment ah tuikhuah leh leilet siam nana an hman JCB hawh man a daih loh avangin, koh nawn leh zel ngai tawh lovin an hna thawk zo nghal thei turin sum tam pek nghal nise tih an rel a, thlai chingtuten a hun taka an thlai an chin theih nan a hun dik (season dik) ah pek theih turin ruahmanna siam tum a ni bawk.

Beneficiaries thlan tura uluk taka tih thuai nise, work calendar Lines Department ten ni 3 chhungin peih vek nise tih an rel bawk. NLUP hmalak tawh leh hmalak mek zelah Media Cell kaltlangin, mipui leh sorkar-in hmalakna dik an hmuh leh hriat theih turin nasa zawkin Lines Department te tanla tura hrilh an ni.

State dangten NLUP hmalakna ang chi kalpui ve an tum mek ah National Level Media te leh Mizoram chhung Media te a tam thei anga NLUP hmalakna a hmunah hmuhpui thin nise tih an rel bawk.