1769/2023-2024

Aizawl, 06.09.2023: Chief Minister Pu Zoramthanga leh Kuki-Zo community zinga mipui thlan hruaitu thenkhat leh pawl hrang hrang hruaitute chu vawiin khan CM office conference hall ah an inkawm.

Chief Minister chuan Manipur a boruak thalo thleng avanga mipui tam tak in harsatna an tawk chu pawi a tihpui thu a sawi a. An kal zel dan turah pawl hrang hrang leh mipuite uluk taka inrawnkhawm in, ngaihtuahna fim tak nen hma lak pawimawh a tihpui thu vawiina kalkhawmte bulah chuan a sawi a. Mizo mipuite chuan zohnahthlak unaute chu puih an ngaihna laia puih zel an inhuam thu a sawi bawk.

Vawiina Chief Minister hmutute zingah hian Minister leh MLA te bakah Mizo People’s Convention, Kuki Students' Organisation, Hmar Inpui, Committee on Tribal Unity, Zomi Council Student organization leh pawl dang aiawhte an tel a ni.