No.1908/2021-2022

Aizawl the 18th August, 2021: Chief Minister Pu Zoramthanga, State Planning Board Chairman ni bawk chu vawiin khan Meghalaya State Planning Board Chairman Pu Lambor Malngiang, (MLA/MDC) chuan a pisa ah hmu in inkawmna hun an nei.

State pahnih thawhhona tha chu chhunzawm zel an duh thu sawi dun in, economy tihhmasawnna kaihhnawiha thu pawimawh hrang hrang te an sawi a.

Meghalaya SPB Chairman chuan Mizoram leh Meghalaya chu hman atang tawh a inlaichinna tha tak lo nei tawh, vawiin thlenga la nung reng a ni, tiin Meghalaya aiawhin Mizoram chungah lawmthu a sawi a. Meghalaya a bial chhungah Mizo tam tak cheng an awm thu sawiin Pu Lalbor Malngiang chuan thawhhona tha tak tak an neih thin thu te sawiin, hma lam pana ke kan penna ah in enhrang lovin kan inunauna a lo ngheh zel zawk a beisei thu a sawi.  Chief Minister Pu Zoramthanga chuan boruak muanawm zawk an neih chhoh a duhsak thu hrilhin, Meghalaya economy hmasawnna kawnga Mizoramin tangkaina a nei ve thei dawn a nih chuan theihtawp a chhuah tur thu a sawi.

Pu Lambor Malngiang hi vawiin vek khan Mizoram Planning Board Vice Chairman Pu H. Rammawi nen chawhnu lam khan inkawm bawkin, tlawmngai pawl hruaitute kawmna hun a nei bawk. Amah hi Dr. Krishna Chauhan, Expert Member (Economist) Meghalaya State Planning Board leh Pu Enrich GL Nongbri, Law Department ten an tawiawm a ni.