No.1907/2021-2022

Aizawl, 18th August, 2021: Ni khat cham tura Aizawla lo zin, Pu Lambor Malngiang, Meghalaya State Planning Board Chairman leh Mizoram State Planning Board Vice Chairman Pu H.Rammawi te chu vawiin khan Pu Rammawi office ah  inkawmin hma lam hun atana state pahnihte thawh dunna tur chungchang te an sawi dun a ni.

Pu H.Rammawi chuan Mizoram State Planning Board kalphung tlangpui te sawifiahin Hmarchhak State te inpumkhatna atan Mizoram leh Meghalaya in thawh dunna tha tak an nei chu lawmawm a tih thu Pu Lambor hnenah hian a sawi a ni.

Mizoram State Planning Board Vice Chairman hi Principal Adviser-cum- Addl. Secretary, Planning & Programme Implementation Department Dr.Lalrinchhana leh Pi Chingthanmawi Guite, Deputy Adviser cum- Deputy Secretary, Planning & Programme Implementation Department ten an tawiawm a. Pu Lambhor Malngiang hi Dr. Krishna Chauhan, Expert Member leh Enrich GL Nongbri, Law Department, Govt of Meghalaya ten an tawiawm a ni.

State pahnih Planning Board hotuten inkawmna an neih zawh hian NGO hotute te nen inkawmna an nei zui nghal a ni.