No.7704/2020-2021
Chief Minister Pu Zoramthanga chu sawrkar laipuia Ministry of Agriculture hnuaia Deputy Director General (Horticulture Science) Dr. Kumar Singh chuan nimin tlai (4.2.2021) khan a chenna CM bungalow ah hmu in, Horticulture hmasawnna atana Mizoram mamawh leh hmalak theihna lai te an sawi dun.
Dr. Kumar Singh chuan Mizoram chu a leilung, sik leh sa awm dan in a zir avangin thei leh thlai hrang hrangah a intodelh theih tur thu a sawi a. Kuthnathawktute tan training an pek theih thu te leh, kuthnathawktuten sum chang thei leh thlai hlawk zawka sumdawnna tur atan an tharchhuah theih nan hmalak dan tur te an sawiho.
Chief Minister chuan agriculture leh horticulture tharchhuaha Mizoram intodelh tura ruahmanna lo siam tawhte sawipuiin, hlawk zawka buh leh bal, thei leh thlai tharchhuah nan khawl leh tunlai thiamna hman chungchanga hmalak dan te an sawi a. Farmer-te sum lakluh a tam zawk theih nan kumtluana agriculture leh horticulture tharchhuah awm theih nan ruahtui khawl lama hmalak leh geo-membrane hmanga tui dahkhawlna uar zawk tum a nih thu leh, chumi atan chuan sawrkar laipui puihna pawh mamawh a nih tur thu a sawi bawk.
Ministry of Agriculture DDG hi Private Secretary to Minister of State for Social Justice & Empowerment Pu Pruthvirajsinh Bhatti chuan a tawiawm a. Additional Chief Secretary Pu JC Ramthanga leh Horticulture Director Pi Elizabeth Saipari te an tel bawk.
