1744/2022-2023

Aizawl, 29.8.2022: Chief Minister Pu Zoramthanga chu a pisa ah NABARD Mizoram Regional Office General Manager Pu KVSSLV Prasada Rao chuan hmu in, RIDF XXVIII hnuaia Mizoram chhunga rural infrastructure project hmalakna tur Rs.230 crore allocate a nih thu NABARD Chairman in a hriattirna lehkha a pe.

Chief Minister chuan hmasawnna hnathawh kawnga NABARD nen thawhhona tha tak Mizoramin a nei chu lawmawm tiin, hmachhawp hrang hrangte mipui chhawr tlaka tihhlawhtlin ngei a nih a beisei thu a sawi a. NABARD General Manager chuan RIDF project hreng hrang Mizorama thawh mek bakah NABARD hmalakna dang hrang hrang, Mizorama thawh theih te a sawipui a ni.

NABARD hian tuihna humhalh kawngah te, tribal development atana hmalakna te, sum khawl leh hman chungchanga inzirtirnate, bank refinance leh hmalakna dangte a thawk thin a ni.

Vawiin hian NABARD Mizoram Regional Office General Manager hi Mizoram Regional Branch-a a thawhpui ten an tawiawm a ni.