No.1910/2021-2022

Aizawl, 18th August, 2021: Chief Minister Pu Zoramthanga leh PWD hotute leh NHIDCL hotute vawiin khan CM office Cabinet meeting room-ah Aizawl khawpui leh a chhehvela kawng siam hmalakna thar chungchang sawiin an thukhawm.

Rel kawng Sairang a lo lut tur leh lirthei la pung zel tur thlir lawkin, Aizawl khawchhung a tawt belhchhah loh nan bypass road siam theih dan remchang a awm em tiin vawiin meeting hian sawiho a ni.

Vawiin meeting-ah hian Adviser to CM (Technical) Er. K. Sawmvela, Addl. Chief Secretary Pu J.C Ramthanga, Engineer-in-Chief Er. Lalmuankima Henry leh Mizoram PWD hotu dangte leh NHIDCL hotute an tel a ni.