No.1911/2021-2022

Aizawl, 18th August, 2021: Vawiin khan School Education Secretary Dr. Lalzirmawia Chhangte, IAS  hovin Teachers’ Day lo thleng tur pualin SAW Conference Hall, MINECO-ah State Level Working Committee  neih a ni.

State Level Working Committee chuan Covid-19 hrileng avangin Teachers' Day 2021 hi hman a remchang lo anih pawhin Teachers’ Day Vawi 60-na hi a remchan anga hman leh ngei ni se an ti a. Tunkum Teachers' Day September ni 5 hi Pathianni anih avangin, September ni 3, 2021 (Zirtawpni)-ah hman an rem ti a. District tina Deputy Commissioner te hi District Level Committee-a Chairman an nih angin an kaihhruaina hnuaiah District Level Committee-in hmandan tur relin, tha an tih anga hman ni se, an ti bawk a.  Sum tuak dan chungchang sawiho a ni a, kum danga an tih thin angin Zirtirtu pakhat zelin Rs.50/- thawh leh nise, amaherawh chu Covid-19 hrileng avangin tun kum chu school naupang ten tihluihna awm lova cheng 10/- an thawh thin chu awl ni se, an ti a. Heng sum tlingkhawmte hi zirtirtu natna khirhkhan tuarte tanpuina atan pek thin a ni, tih tarlan a ni bawk a.

Teachers' Day denchhenin National leh State Awardees te an awmna District  theuhah remchang an tih angin 'Chawimawi' ni se, tih pawm tlan a ni.