1812/2025-2026

Aizawl, the 25th August 2025: August ni 23 tlai lam khan Chief Minister Pu Lalduhoma chuan a chenna inah Pu Satish Kumar, Chairman & CEO, Railway Board & Ex-Officio Principal Secretary to the Government of India a kawm a, thla thar ni 12-a Prime Minister lo zin tur inbuatsaihna an sawidun.

Prime Minister hian Sairang rel station a rawn hawng dawn a ni.

Chief Minister hian, Railway lamin National Highway atanga rel kawng panna kawng (approach road) an laih leivungin National Highway side drain a vur avanga harsatna chungchang a sawipui bawk a. Side drain te siam tha a, concrete slab tea khuh turin a hrilh a.

Railway Compensation la chin fel loh an nei nia a hriat thu pawh lo hrilhin, a rang lama chingfel turin a lo ngen a ni.

A thil sawite hi a lo umzui tur thu Pu Satish Kumar hian Chief Minister hi a hrilh ve bawk.

Chief Minister hi Pu Vanlaldina Fanai, Commissioner & Secretary to CM chuan a tawiawm a, Pu Satish Kumar hi NF Railways thuneituten an tawiawm a ni.