2020/2022-2023
22.09.2022: Chief Minister Pu Zoramthanga chuan vawiin khan Union Minister of Health and Family Welfare Pu Mansukh L. Mandaviya chu a pisa ah hmu in Health chungchanga Mizoram mamawh a thlen.

Chief Minister chuan Zoram Medical College (ZMC) chungchang sawipuiin, Mizoramin a enkawl dawn chuan a hautak dan te, mithiam ten zirchianna an neih hnu a hemi chungchanga ruahmanna tha nia an hriat an siam, sawrkar laipui pawh a an lo thehluh tawh thu te a hrilh a. India hmarchhak medical college tam tak ministry in a laksak a, a chawm ang hian laksak ve ni se tiin a dil a. Seat chungchang leh thildang hrang hrang ngaihtuah tel ngai te pawh sawi a ni a. Health Ministry leh Mizoram Health Department ten an pawmtlan theih ve ve tur la sawikhawm ni se tiin, Union Minister chuan Mizoram dinhmun a hriatthiampui thu leh theihtawp a lo chhuahpui tur thu a sawi a.

Mizoram Cancer hospital atana cheng vaibelchhe 10 bawr vel man khawl leina tur Central Ministry atanga puihna dil a nih thu thlen bawkin, Union Minister chuan tihhlawhtlin a nih theih nan theihtawp a lo chhuahpui tur thu Chief Minister hi a hrilh bawk a ni.

Chief Minister hi Pu H. Rammawi, Planning Board Vice Chairman leh Pu Amjad Tak, Mizoram House Resident Commissioner ten an tawiawm a ni.