No.3103/2021-2022
Aizawl 23 11.2021: Chief Minister Pu Zoramthanga chuan nimin tlai khan Union Home Minister Pu Amit Shah chu Delhi a chenna ah hmu in, Mizoram mamawh hrang hrang a thlen.

Chief Minister chuan Zokhawsanga Assam Rifles insawn chhuak tur chu harsatna hrang hrang avangin hun tiam chhunga an insawnchhuah hmanloh dan leh, hemi avanga khawpui chhunga hmasawnna ruhrel din tura lo ruahman tawh thenkhat a tihkhawtlai phah thu a thlen a. Economy tihhmasawnna atanga hmalakna pakhat Bamboo development kalpui mek chu a hlawhtlinna atan link road a pawimawh thu leh, chumi chu siam tura sawrkar laipui tanpuina state in a mamawh thu a sawi a. Economy kaihhnawih dang hrang hrang an sawi dun bakah kum 1986 Mizo Accord sign a nih hnu a returnee te tana in leh lo dinna tur puihna, housing assistance oek chungchang a sawipui bawk.

Pu Amit Shah chuan Chief Minister in a thil thlen hrang hrangte chu lo zirchianga, hmalak theih dan awm te ngaihtuahin remchang hmasa bera sawidun pui leh a tiam a ni.

Chief Minister hian nimin vek khan Pu Gautam S. Bhattacharyya, Minister Counsellor, Deputy Head of Mission, Embassy of Sweden nen an inkawm bawk a. Mahni sahimna zawnga Mizoram rawn lutte chungchang leh bamboo development based industry chungchang an sawidun a ni.