No.1563/2021-2022
26.7.2021: Mizoram leh Assam ramri buaina chungchangah Chief Minister Pu Zoramthanga chu Union Home Minister Pu Amit Shah nen phone in an inbia a. Assam Chief Minister Pu Himanta Biswa Sarma nen pawh an inbia a. Boruak muanawm zawk a awm chhoh thuai beisei a ni.
Minister Pu Lalchhandama Ralte, Minister Pu Lalruatkima leh Serlui bialtu MLA Pu Lalrinsanga Ralte te pawh Vairengte panin vawiin tlai khan an chhukthla nghal a. Home Minister Pu Lalchamliana chu naktukah Vairengte a kal dawn bawk a ni.
