674/2022-2023
Aizawl, 26th May, 2022: Chief Minister Pu Zoramthanga chu vawiin tlai khan Union Minister of State for External Affairs and Education Dr. Rajkumar Ranjan Singh chuan MacDonald Hall-a CM chennaah hmu in an inkawm.

Chief Minister chuan Union Minister of State hnenah Mizoram chu ram dang pahnih nen inri a, international border thui tawk tak a neih avanga thil tam takah, a bik takin economy leh security lama pawimawhna a neih thu a sawipui a. International relations atanga thlir a pawimawhna te sawi dunin, inkawlpawhna kawngpui, relkawng leh a dangte ngaihpawimawh tha an tih thu te leh hmalak theih dante an sawi dun a ni.

Dr. Rajkumar Ranjan Singh, Ministry of Education MoS ni bawk gnenah hian Chief Minister chuan Mizorama zirna dinhmun leh zirna in tihchangtlun mamawhna te a sawipui bawk a ni.

Zanin hian Minister of State Dr. Rajkumar Ranjan Singh chu Higher and Technical Education Minister Dr. R. Lalthangliana chuan zanriah a kilpui ang.