675/2022-2023
Aizawl, 27th May, 2022: Vawiin khan State Level Core Committee on Ruihhlo Do chu Chairman Chief Minister Pu Zoramthanga kaihhruaina hnuaiah Assembly Annexe Conference Hall-ah an thukhawm a. Vawiina Core Committee meeting vawi 3-na ah hian Health & Family Welfare Minister Dr. R. Lalthangliana, Social Welfare & Tribal Affairs Minister Dr. K. Beichhua, Law & Judicial Minister Pu T. J. Lalnuntluanga bakah Chief Secretary Dr. Renu Sharma, Police, Excise & Narcotics leh a kaihhnawih sorkar department aiawh officials pawimawh engemawzat an tel a; tlawmngai pawl - Central YMA, Mizoram Kohhran Hruaitute Committee leh Mizoram Journalists Association aiawhte an tel bawk a ni.

Ruihhlo Do Core Committee-in hmalak dan tura a thurel pawimawh zingah ruihhlo (drugs/psychoactive substance) bakah zu do tel ni se; Core Committee Member atan School Education Minster leh Department official-te, MHIP, MZP leh MZU aiawhte pawh telh ni se tih rel a ni a. Core Committee thurelte chak taka bawhzui turin Social Welfare Minister Chairman-na hnuaiah Working Committee din ni se tih rel a ni bawk. Ruihhlo Do Awareness Campaign kalpui chu memberten tha an ti vek a; kohhran leh tlawmngai pawlte hmalakna tichak lehzual turin School Education hnuaia zirna in zawng zawngah awareness programme kalpui ni se tih an rel bawk.

Mizoram Excise & Narcotics Department-in kum 2021 leh 2022 inkara ruihhlo an man dan chu a hnuaia mi ang hi a ni :

Mizoram pumah Registered IDU (ruihhlo ngai / drug addict) mi 11432 an awm a, kum 2021-2022 chhung hian ruihhlo vanga rilru buai damlo enkawl mek mi 15841 an awm a. Mizoram Excise & Narcotics Department chuan ruihhlo zuar leh dawrtuten social media (wtsapp, etc) an hman nasat tawh avangin chhui leh man an har tawh hle tih an sawi a, Methamphetamine erawh chu Mizoramah man thin ni mahse Mizote zingah chuan a hluar lo a ni tih an sawi.