676/2022-2023 

27.5.2022: Vawiin khan Serchhip District Hospital, khum 100 awmna tur sakna tur atan thawhhona thuthlung, Memorandum of Understanding (MoU) CM Conference Hall-ah ziah a ni a. He MoU ziaktute hi Power Grid Corporation of India Limited te, Health & Family Welfare Department, Government of Mizoram leh Deputy Commissioner, Serchhip District-te an ni.

Chief Minister Pu Zoramthanga chuan district hospital thar nei tura MoU ziah a ni chu lawmawm a tih thu sawiin, Mizoram ah inenkawlna health facility tha leh changtlung zawk kan siam zl a pawimawh thu a sawi a.

Health & Family Welfare Minister Dr. R. Lalthangliana chuan a hma thei ang bera hospital sak hna chu thawh a nih ngei a beisei thu a sawi bawk.

He 100 bedded Serchhip District Hospital hi Power Grid Corporation of India Limited chuan an Corporate Social Responsibility Fund atangin cheng nuai 2100 in an sak tura ruahman a ni a. Thuneitu hnen atanga sanction an hmuh veleh atanga thla 24 chhunga sak zawh tura ruahman a ni. RCC building niin chawng ruk tur a ni a. Medicine, Paediatrics, Gynaecology and Obstetrics, Orthopaedics, Ophthalmology, ENT, Dental leh General Surgery te awm tura duan a ni. Department of Health & Family Welfare chu Implementing Authority a ni ang a, enzui hna (Supervision and Monitoring works) chu Deputy Commissioner, Serchhip District kuta dah a ni ang.

MoU ziahna inkhawm hi Chief Secretary Dr. Renu Sharma chuan kaihruaiin, Serchhip DC Pi Nazuk Kumar chuan he project chungchang sawifiahna a nei a. Health & Family Welfare Board Vice-Chairman Dr. ZR Thiamsanga chuan lawmthu sawiin hun a khar a ni.