Vawiin chhun dar 12:00 ah Mizoram College zing a upa ber dawttu Lunglei Govt. College, kum 1963 a din tawh chuan College Golden Jubillee, Saikuti Hall-ah a lawmna (opening Function) an hmang a, Chief Minister Pu Lal Thanhawla chu khuallian a ni.

Pu R. Chhuanvawra Associate Prof. kaihhruaiah hian Khuallian Chief Minister Pu Lal Thanhawla chuan duhsak taka khuallian tura Principal leh Jubillee Celebration Committee ten an sawmna ah lawm thu sawiin, mihring ah pawh kum 50 chu puitling tak a ni tawh a, Lunglei Govt. College in a hmu pha hi mi in pe te avang chauh a nih thu a sawi. Pu Hawla chuan thil reng reng puitlin tur chuan atchilh tu an awm a ngai thin a ni, a ti. Lunglei Govt.College in tun hun a thlen theih na chhan pawh a dinchhuah ngei theihna tura theihtawp chhuah leh atchilh tlattu an awm vang chauh a ni, a ti.Mizoram education system a fuh tawk loh avang hian kan education hmalakna in tunah hian Education Reform Commission, education in all espect India pawh in mithiam a ngaih chin mi pathum te nen din a ni tawh a,world class eduaction export quality neih nan hmalak mek a ni a, an recomendation siam pawh central lamin tha an ti hle a ni ati. Hetihlai hian Lunglei Govt. College in kum 50 hmel a lo tling ta chu a lawmpui thu sawiin MZU Constituent College a nih na turin UGC-ah theihtawp chhuah a hmalak mek a ni a ti a, MHRD lam pawhin hemi atan hian MZU hnenah DPR rang taka siam tur a an lo tih tawh thu a sawi. Chief Minister hian Mizo thalai te zingah talent haichhuah tur tam tak a awm tih sawiin thalai te khawvel a nih angin thalai ten hun remchang an neihna turin Sorkar chuan hma a la chho renga, zirna lamah a  ni emaw, infiamna lamah pawh nasa taka hmalak a ni a, 2016 Rio Olympic lo awm turah pawh Mizo infiammite tel ve ngei turin Sports Minister chuan hma a la mek a ni, a ti. Thalai te tan NIT te, National Institute of Hotel Managemnet te leh MassCom zirna te siam a niin Chhingchhip-ah Sainik School Rs. vbc 130 chuang senga din a ni dawn a. He School hi Sipai a tanna atan chauh ni lovin khua leh tui tha chherchhuah nan a tangkai tak tur a nih thu a sawi bawk.

Chief Minister  hian thiamna tak tak nei tur a zirlai ten lehkha an zir a tul tih sawiin zirtirtu te pawh zirlai te tan entawntlak Role Model a an awm a ngai a, kan standard hniamna chhan ber pakhat chu Pass tum satliah vang mai  hi a ni thin a ti. Zirtirtu te chu khawtlangah ani emaw kawng engkimah mi pawimawh an ni a, an File pawh mihring an ni a, an zirlai te hmalam hun tur an kawhhmuh in an kaihruai thiam tur a ni a ti. Tunlai khawvelah aia upa zahna tlahniam ta te chu thalo a tih thu sawiin thalai te chu aia upa zawk te zah a chawimawi thiam a pawimawh thu a hrilh rualin zirlaite chu nakin maia kan ram leh hnam hruaitu in la ni thei a chuvangin nun uluk taka vawng tur lrh rinawmna ,taimakna leh Pathian tih na thinlung nei theuh turin a chah ani. Pu Hawla chuankanramah kutlinglo a sum hai luh a hluar hle a ,a hnam ang pawhin a mualpho thlak hle  ani. Ringtukannih  anginkanthawhna hmun apiang hi Pathian in min dahna a ni tih hi hria ila zawmtho lova rinawm leh taima taka thawh hikanrawngbawlna a ni a ti. Chief Minister  hian thalai te tan Sorkar chu thui takin a in hawng tih sawiin Skill Development lamah te pawh hmalak chhoh mek anih dan sawiin Pathian tihna nung nen mitin te dik taka kal turin a  chah nghal. Chief Minister  hi a nupui Pi Lal Riliani bakah Minister Pu Zodintluanga leh Pu PC. Lalthanliana ten an tawiawm a ni.

Principal Pu C. Lalhmingliana chuan a report danin Lunglei Govt. College-ah hian zirlai 745 leh zirtirtu 63 an awm a, UGC chuan 2f XIIB-ah dahin NAAC chuan B+ Grade-ah a  dah niin a sawi.

Hemi hnu hian Chief Minister Pu Lal Thanhawla hian Serkawn Melte-ah chawhnu dar 3:00  khan Sports Indoor Stadium Rs 2418.08 lakhs Ministry of Urban Development, Govt. of  India atanga sum hmuh hmanga sakna tur lung a phum nghal a ni. He hna hi UD&PA in a kalpui dawn a ni. Chief Minister hian naktuk chawhma dar 11:00 hian Pukpui Kawmzawl-ah Laldenga Park a hawng leh nghal ang.