3812/2024-2025

Aizawl, the 15th January, 2025: Mizoram Governor ni tura President of India-in a ruat Governor-Designate Gen. (Dr.) Vijay Kumar Singh, PVSM, AVSM, YSM (Retd.) chuan vawiin chawhnu dar 2:30 khan Mizoram a rawn thleng a. Governor thar tur leh a nupui First Lady-Designate Pi Bharti Singh te pual hian Chief Minister Pu Lalduhoma chuan Lengpui Airport-ah amah lo lawmna leh hmuahna hun a buatsaih a ni. 

Vawiin Lengpui Airport-a Governor thar tur hmuahna hunah hian Chief Minister Pu Lalduhoma leh a nupui Pi Liansailovi, Speaker Pu Lalbiakzama, Home Minister Pu K. Sapdanga, Chief Secretary Pu Khilli Ram Meena, DGP Pu Anil Shukla, Pu V. Lalsangliana, IAS, Seceretary to Governor, Brig. Girish Upadhya, SM, VSM, Sector Commander, 23 Sector, AR; Er. Lalhriatpuia, DC Aizawl, Pu Rex Zarzoliana Vanchhawng, SP Aizawl leh Official pawimawh dangte an tel a ni.

Hemi hnu hian Raj Bhavan, Aizawl panpui niin  tlai dar 4:00 khan Health Minister Pi Lalrinpuii, Rural Development Minister Prof. Lalnilawma, Sports Minister Pu Lalnghinglova Hmar leh Raj Bhavan Staff te'n an lo hmuak a ni.

Ruahman dan chuan naktuk January ni 16, 2025 chawhma dar 11:00 hian Raj Bhavan Circular Lawn-ah Gauhati High Court Chief Justice Vijay Bishnoi in Mizoram Governor 25-na ni tura rinawmna thu tiam tirin a la lut ang.