3813/2024-2025

Dated Aizawl, the 15th January 2025: Vawiin khan CM Conference Hall ah Aizawl, Sairang leh Lengpui inkar thlunzawm Ropeway siam theih dan a awm em tih sawihona hun Chief Minister Pu Lalduhoma hova neih a ni.

Aizawl, Sairang Rel Station leh Lengpui inthlunzawmna ropeway hi, Tourism Development atan mai bakah Aizawl - Lengpui via Sairang inkar inthlunzawmna neih belhna atan siam thaa hriatna a awm a. Externally Aided Project hmanga UD & PA in a kalpui mek Aizawl Sustainable Urban Transport Project (ASUTP) hnuaiah emaw Tourism Department kaltlanga kalpui theih dan a awm em tih an sawiho a ni.

Meeting-ah hian Pu K. Sapdanga, UD & PA Minister, Pi Lalrinpuii, Tourism Minister, Pu TBC Lalvenchhunga, Adviser to CM leh official pawimawh te an tel a ni.