3814/2024-2025

Siaha the 15th January 2025: Vawiin khan DRDO Conference Hall, Siaha-ah Ni-2 awh tur District Research Office, (DRO) Economics and Statistics, Siaha (Registrar of Births and Deaths) buatsaihin Registrar of Births and Deaths training neih a ni a, Pu VL Hruaizela Khiangte, Deputy Commissioner, Siaha District chuan Khuallian niin hun a hmanpui.

District Bawrhsap Pu VL Hruaizela Khiangte chuan training tura kalkhawm RBD-te chu hna pawimawh tak thawktu an ni a ti a, India khua leh tui nihna bul ber chu Birth certificate a ni tiin Certificate pekchhuah chu fimkhur a tul hle a ti. Ram hnukkhawih thila hmalatu pawimawh tak an ni tih hre reng tura chahin an hnathawh chu a hluin a ropui hle a ti bawk a ni.

Pu Hmingthanzauva Sailo MPE & SS, Additional District Registrar of Births & Deaths and District Research Officer, Siaha District chuan hun a kaihruai a, Pu C. Liannghinga, Registrar Siahatla Unit chuan tawngtaina hun a hmang a ni.

Resource person Pu J Ramdinmawia, Inspector of Statistics, DES chuan RBD a thawk ten an pekchhuah thin Certificate chu 1st February, 2025 atangin Online Registration kalpui a, nau piang leh thi te hnenah Digitized Certificate pekchhuah an nih tawh tur thu a sawi. RBD Act-1969 hmanga hna thawh niin, kumina kalphung thar/ tihdan tharah veng/khua tana RBD te pawhin Online Registration ti a, Digitized Certificate pe chhuak thei tura inbuatsaih nan zirtirna a pe bawk.

Chawhnu lamah Pu A. Vanlalhluta S.I.S. DRO Office, Pu Gospel Chozah DPA, DRO Office Siaha ten kalkhawm te zirtirna an pe bawk a. Naktuk ah RBD Document-te endikna leh thehluhna hun hman a ni dawn bawk a ni.