No.3297/2021-2022

Aizawl the 7th December, 2021 : Vawiin khan Chief Minister Pu Zoramthanga hovin CM Conference Hall-ah Bamboo Link Road chungchanga hmalakna tur hrang hrangah Bamboo Development Board Member te nen meeting an nei.

Chief Minister Pu Zoramthanga chuan tunhnaia Union Finance Minister Pi Nirmala Sitharaman hnena Mizoram mamawh a thlen zinga Bamboo Link Road Pilot Project chungchang hmalakna, Bamboo Link Road siamna hmun hma en thli thlai leh area identification chungchang a meeting koh a nih thu a sawi a. Union Finance Minister chuan Rs 100 crore vel DPR siam tura thurawn a lo pek thu sawiin, a tirah Aizawl District chhunga pilot project siam phawt a nih tur thu a sawi bawk a. Bamboo Link Road hi feet 18 vela zau, pavement feet 10 a siam tum a nih thu a sawi bawk.

Meeting hian Bamboo Link Road atana ram rem tha enturin karleh lamah fehchhuah nise, report te ziah fel a nih hnu December thla tawp lamah Bamboo Link Road Board leh Bamboo Development Board joint meeting neih a rel a ni.

Mizoram Chief Minister Pu Zoramthanga hi Additional Chief Secretary Pu JC Ramthanga, Adviser to Chief Minister (Technical) Pu K. Lalsawmvela leh midangten an tawiawm a ni.