No.3275/2021-2022

Aizawl the 3rd December, 2021 : New Delhi a cham mek Mizoram Chief Minister Pu Zoramthanga chuan vawiin khan mi pawimawh te a dawr chhunzawm a. Union Minister of State Dr Jitendra Singh nen meeting an neih bakah Ambassador of Israel sawmna angin Pragati Maidan ah programme pawimawh a chhim a. Shri Aurobindo Trust thuneitute a kawm bawk.

Science and Technology Ministry changtu Dr Jitendra Singh chu a chenna in 4 Kushak Road, New Delhi-ah a hmu a. A Ministry hnuai atanga Mizoram tan COVID19 sample test na Mobile RTPCR Van a pek avangin lawmthu Chief Minister chuan a sawi a. Mizoram state-in All India Services cadre hrang a mamawhzia a sawipui bawk a ni

Hemi hnu hian Pu Naor Gilon, Israel Ambassador-in a sawmna angin Watergen (Israel) Water from Air Technology, Pragati Maidan-a neihah Pu Zoramthanga chu khual zahawmah a tang a. Watergen India hian boruak atanga tui an siam chhuah dan technology changkang an pho chhuak a. Mizoram tan hman ve theih a ni em tih te en niin thawhdun chhoh zel an tum a ni.


Vawiin vek hian Sri Aurobindo Trust thuneitute nen Chief Minister Pu Zoramthanga hian meeting an nei bawk a. Zirlai te hnena awlsam zawka Scholarship pek theih dan tur an sawi ho a ni.

Mizoram Chief Minister Pu Zoramthanga hi State Planning Board Vice Chairman Pu H. Rammawi, Adviser to Chief Minister (Technical) Pu K. Lalsawmvela, leh OSD to Chief Minister Pu Rosangzuala ten heng meeting pawimawhah hian an tawiawm a ni.


Attachment

  • Loading attachment...