2833/2025-2026

Siaha, 8th January 2026 : Vawiin chawhma dar 11:00 AM khan DC Mini Conference Hall, Siahaah 'Chief Minister Rubber Mission' hnuaia Siaha district chhunga rubber chin kalpui dan tur leh Cluster/zau pawmpuina neiin District level meeting an thukhawm.

Thutkhawm hi Chairman, District Level committee on CM Rubber Mission Siaha leh Siaha Bawrhsap ni bawk Pu VL Hruaizela Khiangte-in a kaihruai a. Siaha District-a progress partner leh cluster thlan chungchang sawiho niin, CM Rubber Mission kalpui dan tur leh Rubber chinna tur hmunhma thlanfel a ni bawk.

CM Rubber Mission guidelines - in Mid Sea Level atanga meter 500 aia sang lova chin tura a tih angin Siaha District chhungah chuan Amotlah khua leh a chhehvel zau pali (4) thlan niin, Progress partner chhungkaw - 20 thlan chhuah an ni a, ram hectares 20 a zauah rubber chin hi kalpui tura ruahman a ni.

Vawiin thutkhawmah hian MADC a Deputy Chief Executive Member Pu S. Lalremthanga, Land Resources, Soil and Water Conservation Department hotute bakah Rubber Mission Board member an tel a ni.