Vawiin hian Serchhip khawpui chhunga Home hrang hrang, Jail leh Civil Hospital te hnenah Chief Minister Discretionary Grant chu Chief Minister aiawhin Deputy Commissioner, Serchhip a thawk officer ten an hlan.

Serchhip District chhunga Chief Minister thilpek dawngtute leh an dawn zat chu hetiang hi a ni: Shalom Special School in Rs. 3000, District Jail, Chhiahtlangin Rs. 3000, Orphanage Home in Rs. 2500, Civil Hospital in Rs. 2500, Zoar Rescue Centre in Rs. 2500, Observation Home in Rs. 2500, Hmangaihna In in Rs. 2000 leh Old Age Home in Rs. 2000 a ni a. Serchhip District a he thilpek dawngtu pariat te dawn belhkhawm hi Rs. 20,000 a ni.

Heng thilpek te hi Serchhip hmar lam leh Chhiahtlang lamah Pu Abraham B. Khithei, MCS, Election Officer Serchhip chuan vawiin hian a dawngtu turte hnenah anmahni hmunah a hlan a, Serchhip Chhim lama mite hnenah Pu Vabeimochhi Chozah, MCS, SDC chuan a dawngtu turte hnenah hlanna a nei bawk a ni.