Vawiin khan Lunglei Deputy Commissioner Pu Benjamin Lalzama hovin a office chamber-ah dan lova Bangladesh atanga Mizorama lo lut te chungchang sawiho turin District Level Special Task Force Committee in Connection with Illegal Bangladeshi Migrants chu an thukhawm a. He thutkhawmna ah hian a kaihhnawih sawrkar department hotute bakah 1^st Battalion BSF hotute leh YMA Sub Hqrs Lunglei hotute an tel a ni.

Pu Benjamin Lalzama chuan kalkhawmte lawmna thu sawiin District Level Special Task Force din a nih chhan te a sawifiah a. Dan lova Bangladesh atanga Mizorama lo lut te hmuhchhuah leh thawnlet kawnga chak taka hmalak dan tur an sawiho a. BSF hotute pawhin hemi kawnga harsatna an tawh thin te sawi langin hmachhawp hrang hrang an thlirho a ni. Birth Certificate leh Certificate dang pek chhuah chungchangah fimkhur a tul thu sawi lan a ni bawk. Hmalak tul an tih te Mizoram sawrkar Home Department-ah thlen ni se tih Committee hian a rel bawk.

Hemi chungchang ngaihtuah tur hian Tlabung Sub-Division-ah SDO(C) Chairman na hnuaiah Sub-Division Level Special Task Force din a ni bawk a. Sub-Division level-ah hian SDO(C), BDO, Commander MAP, VCP leh YMA, YCA te an tel ang.