Vawiin khan Buannel Children Home, Mamit tan Chief Minister thilpek hlanna Pi Lalbiaksangi, District Bawrhsap chuan a nei.
Vawiin Krismas thilpek hlanna hun hi Pi Vanlalhmuaki, Home Superintendent chuan a kaihruaia Pi Lalbiaksangi, District Bawrhsap chuan krismas hlim leh lawm taka an hman theihna turin duhsakna a hlan a, naupang harsatna hrang hrang avanga home a awmte chu kan Chief Minister zahawm tak pawhin hlim leh lawm taka hunpui an hman a duhsak avangin thilpek a pe a ni a ti. Naupangte chu an hmalam hun atan beiseina nung neia an zirlaiah te theihtawp chhuaha tan la sauh sauh turin a chah a ni.
Tunah hian Buannel Children Home Mamit-ah hian naupang 34 an awm mek a ni.
Buannel Children Home Mamit tana Chief Minister thilpek hi Rs 3000/- (sangthum) a ni a, Sub Hqrs MHIP atangin Rs 3000/- ( sangthum) leh Pu H. Lalchhuanawma, Superintendent of Excise te chuan Rs 2000/- (sanghnih) an hlan nghal bawk a ni.
Pi Vanlalhmuaki Superintendent Buannel Children Home chuan thilpek petu Chief Minister aiawh te, Sub Hqrs MHIP leh Superintendent of Excise te chungah lawmthu a sawia chung thilpek hlu tak tak te chu an tawngtai chhanna a nih thu a sawi bawk a ni.
Vawiin thilpek hlanna ah hian , Sub Hqrs MHIP aiawh, Excise, leh DIPRO atang ten an tel a ni.
