Chief Minister Pu Lal Thanhawla chuan naktuk hian Thenzawl panin Aizawl a chhuahsan dawn. CM hian Thenzawl khelmualah Vantawng Group YMA buatsaih Sports Meet a hmanpui ang a, a tuk Nilainiah ‘Monitoring of NLUP Works’ DC Conference Hall, Serchhip a buatsaihah a tel zui ang. Thenzawlah CM hian NIT, Mizoram hmun tur a tlawh nghal anga, Education Minister Pu Lalsawta leh Parliamentary Secretary Pu Chawngtinthanga’n CM hi an tawiawm dawn a ni. Chief Minister hi Lunglei High Powered Committee Meeting a tel turin Nilai thawhtan, August ni 4 ah Serchhip chhuahsanin Lunglei a pan anga, Lunglei a cham chhung hian Govt. College complex  a Women’s Hostel leh State Bank of India, Chanmari Branch, Lunglei a hawng nghal bawk ang.