Chief Minister Pu Lal Thanhawla chuan vawiin khan Pu VS Sampath, Chief Election Commissioner, Election Commission of India hnenah lehkha thawnin Mizoram Legislative Assembly Election 2013a EVM hman tak leh naktuk maia Parliamentary Election neih tura Electronics Voting Machine hman tur nihphung leh a rintlak dan Mizoram mipuite hnenah sawifiahna nei turin a ngen. Hetiang ti tura a ngenna chhan a tarlanah, eptu pawl ten EVM chu rintlak anih loh thu nasa taka an sawi avang leh ama mimal nun thlenga sawiselin, EVM chu official tute nen emawa khawih chingpena an puh vang anih thu a tarlang a.

Hetiang anih avang hian Mizoram mipui ten EVM chu innghah ngamna leh rintlak anihzia an hriatna turin leh tih chingpen theih mai mai anih lohzia naktuk (ni 11/4/2014) a vote kan thlak hma ngeia rawn sawifiah tura thuchhuah rawn siam turin a ngen a ni.