Mizoram CEO Pu Ashwani Kumar chuan hetiang hian thuchhuah a siam :-

Mi thenkhatin Electronic Voting Machines (EVM) a rintlak loh thu an sawi chhuah Election Commission chuan a lo hria a. Election Commission of India-in EVM a hman te hi a rintlakin khawih chingpen theih a ni lo tih Commission chuan mipui a hriattir nawn leh a. EVM hi India ramah kum 20 chuang hlawhtling takin hman a lo ni tawh a. Rorelna court hrang hrang te pawhin EVM hi khawih chingpen theih a ni lo tih an rel tawh a ni. Election Petition No.29 of 1999, Michael B.Fernandes Vs. C.K.Jaffer & Ors. chungchang-ah Karnataka High Court chuan ‘he ECI-EVM khawl hi electronics leh computer technology lamah hmanraw tangkai leh hlawhtlinna ropui tak a niin ram tan pawh chhuanawm a tling a ni  tiin a rel a. EVM himna leh rintlakna vawn tlat a nih theih nan Commission chuan uluk takin a ruahman thin. EVM buatsaih leh hman dawnah political party leh candidate te an tel zel thin bawk a ni. Tun inthlanna ah pawh hian ECI-in EVM a sawifiahna leh kaihhruaina te candidate tin te hnenah pek an ni a. Heng lehkha te hi ECI website ah a duh apiang tan en theih a ni. Commission chuan EVM hi khawih chingpen theih a ni lo tih hi a ring nghet tlat a ni.