Chief Minister Pu Lal Thanhawla chuan Mizoram Governor hlui Pu PR Kyndiah thihna a tawrhpui thu a fanu Doyoothi Kyndiah lehkha a thawn.

Chief Minister chuan Mizoram Governor lo ni tawh Pu PR Kyndiah chu hun lo taka a boral thu kan hriatin Mizoram mipuite min barakhaih hle a ni a ti a. Pu PR Kyndiah hi Mizotena kan hmelhriat, politician tha, Minister nachang hria, Governor tha tak leh mihring mihrinna pawha mi chhuanawm a ni a ti a. Lehkha ziakmi, Mizote leh Mizoram chanchin ngaihnawm tak tak lo ziak tawhtu a ni a ti.

Mizoram sorkar aiawh leh keima mimal angin hunlo taka a thihnaah kan tawrhpui tak zet che u ani tiin, Pathianin an lusunna chu a thlamuanin a awmpui zel ang tih hi kan tawngtaipuina a ni a ti.