Myanmar ram tlawha zin mek Chief Minister Pu Lal Thanhawlate nupa chuan vawiin khan Tahan khawpui tlawhin Wesley Hospital leh Kalay University te an tlawh.

Chief Ministerte nupa hi Yangon atanga Kalemyo an thlen hian Mizo thahnemtakin airportah an lo lawm a, Kalemyo atang hian Tahan an pan nghal a ni.

Tahanah hian Kalay University tlawhin, Prof. Than Win, Rector leh professor rualin lo dawngsawngin  he zirna inah hian a tam ber tlangmi an nih avangin Mizoram University leh Education  department te nen thawhho dan ngaihtuah a duh thu a sawi chuan University hotute a ti lawmin, ati phur hle a ni.

Chief Minister hian Wesley Hospital tlawh bawkin hospital hotute ngenna angin indaihlo deuh mahse thiamna inchhawr tawn dan leh Mizoram lam atanga specialist te nen thawhho theih dan kawng ngaituah a tum thu a sawi chu an lawm hle a ni. Wesley hospital hian an mahniin oxygen an insiam a, tui hman hnu tih thianghlimna nei bawkin mineral water bottle angah an thun khat leh thlap thin a ni.