December 2, 2015 a Tlawng Lei chim dawhtha leh tur hian Sawrkar chuan hma chak takin a la a. Tlawng lei dawh that leh na tur hian Ministry of Road Transports & Highways (MORTH), Government of India chuan Rs. 297.26 lakh chu April 30, 2015 khan a sanction tawh a ni.
Tlawng Lei dawh that lehna tur hian Bailey bridge hmanruate supply turin Garden Reach Ship Builders and Engineers Ltd. (GRSE) Kolkata chu supply Order Dec. 8, 2015 khan pek a ni a. Mahse, GRSE hian Dec. 29, 2015 khan hmun dang atang in order tam tham tak an dawn avangin, March 2016 hma chuan supply hi an process theih dawn loh thu Mizoram sorkar a hriattir a, Hemi avang hian a supply hmasa thei ber tur zawn a ni a, Shiba Industries Kolkata chu biak nghal a ni a, anni hian payment pek atanga ni 45 chhung-in an supply theih tur thu department a hriattir a, tichuan Shiba Industries, Howrah, Kolkata, chu Offer pe turin hriattir a ni a, e-mail-a rawn thawn nghal in supply Order pawh hi December 30, 2015 vek khan pek nghal a ni.
Tlawng lei hi hmanhmawh taka dawh that leh a nih theih nan PWD chuan a theih ang angin hma a la a, January 6, 2016 khan Engineer-in-Chief, PWD chuan Bailey Bridge Part leisa hman puk mai tur an neih takin tiin Chief Engineer Border Road Organization, Mizoram hnenah lehkha a ziak a, vanduaithlak takin BRO hian an bridge part neihsa hi Manipur lirnghinna lamah an lo hmanzawh lai tak a ni a, min tanpui thei ta lo a ni.
Shiba Industries hian January 14, 2016 khan Supply bill pek a nih theih nan Bank Guarantee (BG) Rs. 187.00 lakh leh Proforma bill te chu e-mail in EE, PWD, National Highway Division -l-ah an thehlut a, hemi ni vek hian confirmation pawh Bank atangin lak nghal a ni. Original BG leh bill te hi January 16, 2016 khan dawn a ni. Bill hi Regional Officer (RO) MORTH, Guwahati-ah January 18, 2016 khan payment pe tur in thawn a ni a, EE, NHD-I pawhin a hmunah bawhzui in payment hi pek nghal mai turin peih a nitawh a, amaherawhchu, RO office lam hian kum 2015-16 chhung atan fund a awm tawh lova, March 2016 thla-ah chauh an pek theih tur thu in an lo chhang ta a. Payment hi bawhzui reng nimahsela, March 5, 2016 khan pek a ni ta chauh a ni. Vanduaithlak takin RO, Guwahati lam hian payment an pek hian Excise Duty leh CST hi an pek tel loh avangin, material hi phurh chhuah theih a ni lo va, chu chu buaipui zui nghalin March 14, 2016 khan release a ni veleh ta a ni. Tunah hian Bridge dawh lehna tur hmanruate hi phurh tan mek a ni a, company hian April 10/12, 2016 hian min pe fel hman turin an inbuatsaih a ni.
Bailey bridge bul a Concrete lei tur pawh hi tunah Ministry Road transports and Highway chuan Consultant rawih tur chu pawm tawh a hmunah tunkar chhung a rawn enfiah turin programme a siam tawh a ni.
